سيـف و مـزوون >> قصـة قصيـرة >> الله لا يفرق بين غآلي و غآليه ..~

هــلا و غـــلا }ْ~


سيف مزون !! جمعهم حب حقيقي من ايام طفولتهمـ . . . اتفقوا انهم يكونوون حق بعض .. ومافي شي يفرقهمـ . . . ولكــــــــــــــــــــن !
الزمن والظروف والأهل كانوا السبب ففراقهمـ ..
اهل سيف من الناس المتمسكه بعاداتها ومايزوجوون عيالهمـ الا من بنات عمومتهم .؟
حـــاول سيف انه يقنــع اهله ويزوجووونه مزون !!
ولكن ماشي فايده من اهلهـ .. . وأبوه قاله بيتبرا منه ان ماطاع رمسته وماطاع ينزوج ساره بنت عمه .. وسيف رضا واالديه عقب رضا ربه ...
تزوج سيف وخذ ساره بنت عمه ...
ونفس الحاله انجبرت مزون على منصور ولد عمهـــا . . .

؛؛ وتقــول الحكــايهـ ؛؛

مزون وفاطمه يتشمن ف الستي ..
فاطمه : مزون بلاج شكلج مالج نفس تتسوقين ؟؟
مزون : والله مالي نفس ؟ يقولوون يالسه أتزهب لعرسي ؟؟ بس آه كلي حزن وآآآآآآه
فاطمه : خلاص انسيه انتي ملك ريال ثاني ؟؟ وبعدين سيف نساج نساج وعنده حرمه الحين
مزون : سيف انجبر انجبر عليها تعرفين اهله انتي ؟ وتعرفين عادات هالناس ؟؟ مكتوب لغيري يزفونه !!
فاطمه فبالها : انا ليش قلتلها جيه ؟؟
مزون : ويكفي اني انجبرت اخذ ولد عمي وانا ما طيقه مادري كيف بعيش وياه ..؟؟؟؟؟؟؟؟؟؟؟؟؟؟؟؟
.
.

أشتكي يا بوي من هم ضواني
زارني وقت المساء عقب العشيه
حل بي الضيق والهم اعتراني
وزالت العبرات من موقي دميه

.
.
سيف وساره يالسين يطالعون التلفزيون ف الصاله ؟؟
قربت ساره صوبي سيف
ساره : حبيبي ..
سيف : هااا خير
ساره : حبيبي شو بلاك عليه
سيف: ماشي لاترمسين مالي نفس متضيج
سيف فباله اوف مابقادر اعيش وياهااا موول مابداخله مزاجي هالبنت ! حرام بعد اضلمها وياااي ... آآآآآه محد بيسعدني غيرج يا مزون .. آآه وينج عني حياتي ...
.
.
أسمــع صداكـ ينادي ينادي
وأصد صوب الصوت !!
.
بيت اهل مزون
بو حمد : هااا مزون بنتي باقي على عرسج شهر ؟
مزون وكلها حزن : هيه ابويه
ام حمد : مادري شو هباته منصور ؟؟
مزون فبالهااااا : أووووووووف ماحب طاااريهـ ؟!
.
.
أجبروا محبوبي بقوه
وفرقوا مابيني وبينه
بيننا حب مشى توه
دوم عيني تبجي الزينه
.
بيت سيف
سيف يالس يقرا الجريده فالحجره ودخلت عليه ساره
ساره : سيف اباك توديني الصالون ؟ باجر عرس مزون بنت اليران ؟
سيف : هااا شووو ؟؟؟
وشل بعمره وظهر صوب سيارته وساره تزاغره ومب مسولها سالفه

وركب السياره ومشابها وفجأه وقف وحط راسه ع السكان ويلس يصيح
سيف : آآآآآآآآآآآآآآآآآآآآآآآآآآآآآآآآآآآآآآآآآه حرام الي يالس يصير حرااااام ... كنا نقول نحن لبعض ومحد بيفرقناااا .. فرقونا قرقونااا .. آآآه منكم يالاهل !! والله احبج يا مزون احبج احبج ..
.
.
ليتك معي يوم ترجيت الأنفاس
أبرد الضيق من الصدر بالعين
الكل نام وطابت أوقاته هالناس
وانا مع همي ودمعي مساكين
.
.
في يوم عرس مزون
مزون واقفه تترياااا اغنيه الزفه تشتغل والناس تترقب نزلتها
واقفه وكلها الم وحزن وااااه
اشتغلت الزفه
ومشت العروس مزون بفستانها الأبيض والكل مبهور فيها وبجمالها
مزون تمشي وفبالها ياليتني عروسك ياسيف ياليت لو كان هاليوم يوم لقانا يالحبيب .. وهيه تمشي طاحت وسلمت روحها لباريها .. ماتت من حزنها وقهرهاااا ..
.
.
راحـــت ألي كان حبهـــا فالفؤاد .
.

سمع سيف بخبر وفاة غلاته مزون . . .
ومن هووول الصدمهـ ..
طاح مغمى عليهـ . . .
وتنوم ف المستشفى فتره ..
وتوفـى ..

.
.
ماقدر أعيش بلاك يالحبيب ..
.
.

الحب أصدق عاطفه بين اثنين ..
ولكن أشيــاء واايد تفرقهمـ . .
وبالرغمـ من كل شي ..
بيظلون على حب وذكرى بعض ..

.
.
عسى الرب لا فرق بين غالي وغاليه
م . ن

كــآنت هنـآآ :: عآشقة s }ْ~