سواآآآالف الشباآآااب في البااآآاص

SaRa`s HoMe PaGe



سوالف الشباب في الباص



طبعا محد ينكر الهدوء إلي يكون في باصات الشباب وهذه بعض سوالف
الشباب في الباصات الله ثم الله يعين الدريوليه

تفضلوا هذي المواقف عن الشباب


عشاق الكرة
نفر (1) :: يا خووك احلى شي عاد لين الشباااااااااب تصدر الدوري
نفر (2) :: ايه والله .. شفت قول آيتوو عاد شق المرمى شق فديته هالريال
نفر (3) :: روحووو مناك .. بييكم الشبح المدريدي بينثـر هاليهال
نفر (1) :: روح روح .. مدريدك ذيله الحمدلله فازو على الدرجه الثانيه

وتبدأ المعركه والتكفيخ .. وتلقى واحد منهم مسدوح عـ الارض
والثاني معلق على الباب


المغازلجـيـه
نفر (1) :: اااخ يا الحبيب شفتهااا .. هذي اللي قاعده صوب السايق
نفر (2) :: تقصد هذي ام العبايه اللي فيها ستين فراشه ؟
نفر (1) :: لااا يا حظي العوي .. اللي عباتها الخفاش ..
نفر (2) :: ايه هذي كشخه يابووك بس يقولون ما تعطي ويـه
نفر (1) :: ما عليك منها .. بتطيح بتطيح ..
عاد الاخو اييب تاريخ اهلها واجدادها على اساس ان انا اعرفها ترى


المطينزجـيـه راعيين المطنزه
نفر (1) :: شووف شووف .. هذي ام عبايه راس صدقني بطيح
نفر (2) :: شدراك انها بطيح ؟! الا اذا عينك فـرن
نفر (1) :: يا العله بتجووف احين
" البنت بتنزل من الباص "
نفر (1) :: اختيييييييييه عبااتج
طــــــــم طـــرااااخ طيحه على الويه
وتقعد تسب فيهم وتلعن وهم للحين يضحكون عليها


عشاق الكتب ما يشيل راسه من الكتاب ساعه
نفر (1) قاعد يراجع اخر درس من الماده
نفر (2) :: وين وصلت اي بوينت ؟
نفر (1) :: رقم 6 بس مو فاهمها .. تشرحها لي ؟
نفر (2) :: اوكي
ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا


صبيان على غير العاده " هاذيله في حالهم"
نفر (1) :: هلا شلونك ؟
نفر (2) :: بخير الله يسلمك شخبارك انت ؟
نفر (1) :: الحمدلله بخير يعافيك
انتهت المحادثه .. واحد يطالع من الدريشه والثاني سرحان والا راقد


عشاق (الورقة) و الاونو
نفر (1) :: العـــــب خل اكسر راسك .. تقط لي ثنتين الكلفس
نفر (2) :: عشان اتييك الاكـلـه العدلـه..يلعبون كوت
نفر (1) :: يا عمـــي بنشوف ترى الجوكـر يايك يايك
نفر (3) :: العب العب حبيبي يقولك جوكر ما عليك منه زين
والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب



عشاق الاغانـي والطقطقه
نفر (1) :: يا منيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح
نفر (1) :: ليه الجفااا .. ليه تهجرنــي وانااااا وانا وانا احبك ..
نفر (3) & (4) :: احببببك .. احبببببك يا سلاااااام حبيبي انتـه روووح
مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل


فئة الموضـه
نفر (1) :: شفت وائل كفوري شمسوي والله شعره مالي الا اروح الريتز يسوونه لي صاير مو شي..واااي يحليلك اسم الله عليك
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول
هذول مساكين بعد .. اخرة هالقصات بيسوون تسريحة المطربة صباح


فئة البناتـيـه
نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك





ThE EnD
__________________